ديوان أكاليل الإلكتروني لسفراء القلم

…………….

اسامه صبحى اسماعيل .

……….

(( من غيرك ))

من غيرك .. احنا مش يتامه ..
ولا بقينا لليأس مضرب مثل او علامه ..
ولما الليل بيجى ..
بنام زى كل الناس . من غير ما ندفع رسوم او غرامه ..

ولا فيى حاجه عندنا بتسأل عليك ..
وبننزل وبنروح ونيجى ..
وبنظهر بين الناس مبتسمين .. وبنلبس شيك ..

وبنحط كمان ..
برفان ..

وبنسرح شعرنا ..
وبنسهر نتكلم طول الليل .. وبنضحك من قلبنا ..
وبنام ساعات متأخر او بدرى ..
وبنصحى نفطر مع بعض كلنا ..
ولسه بنسد وراك ..
ولو حد سألنا عليك ..
بنقوله ..
... مشى من غير ما يقولنا

اسامه صبحى اسماعيل .