..............
مصطفى فريد
...............
رباعيات
من ديوان / بيحسدوك على إيه
للشاعر / مصطفى فريد
هرب الشعر على الورق منى.
سالت حروفه دمع م الننى.
غرقت سطور الكلام بالهم.
لكن حلف بحياته ما يسيبنى.
قلبى نقرزان بيدق فى سكاتى.
ليلاتى يمس الدق. آناتى.
ناياتى تغنى من حلاوة الروح.
جروح بتنوح كأنه محل ساعاتى.
متحنى كف الزمن والحنه من دمى.
قلبى اتلوى م الألم لما القلم خانى.
كتب علي الشقا عشت الحياة حيران.
مش لاقى شط اللقا أغسل عليه همى
ليست هناك تعليقات:
إرسال تعليق