.................
عمرو تمساح ابوسفيان
.............
جى من بعيد
**********
وراكب لقطره وجاى من بعيد
وفرحان مزقطط كأنه فى عيد
وآخر ما يوصل بيحكى الحكايه
وينزل يقول هى ديه البدايه
خلاص الفلوس رايحه تملى جيوبك
وكل اللى عارفك هينسى عيوبك
وتفضل تقول انك انت الشهامه
وانت الكرامه وانت الوسامه
ونقبك هيطلع ملوش اى لزمه
ياسايب بلادك يمضروب بجزمه
تعيش بره بلدك بزل ومهانه
وتشحت فلوسك وتطلب اعانه
وتدفع تمن غربه عمرك يضيع
تعيشها ف بلدك من انت ورضيع
وكل اللى شافك هيلعن ابوك
تلم الزباله ورحى يعبوك
يقولوا بهايم يقولوا نفر
يقولوا ده اخره هيمسك غفر
وخد برده عندك يقول بوابين
وآخر المتمه يسبك بدين
وتفضل تعانى اسيه وكدر
واوعاك تقول إنه حكم القدر
بقلك حبيبى دى ظلم اتبدر
وسائق وواخد صعيد وحدر
لا عاتق صغير لا عاتق كبير
ده خوفك هيمنع عليك البلاوى
وتقعد براحتك وتسمع غناوى
وصيه هقولها دى اخر كلامي
معاها تحيه ومعاها سلامى
ده غلطه بقلك ولازم تفوق
هيرجع بحسك ربيع الحقوق
وثور يبنى مره واياك تخور
هتكتب تاريخك تاريخ كله نور
***********
عمرو تمساح ابوسفيان
ليست هناك تعليقات:
إرسال تعليق