.............
...............
قضيتي مع العشق
قضية أبدية
شو مالنا ع البال
لا خبر يجينا منكم
لا ألو و لا مرسال
لا بتطمنونا عنكم
تخبرونا بحوالكم
ونخبركم بالحال
شو مالنا ع البال…
نحنا الي للوفا وفا
نحنا صعب نتغير
نحنا نتغير محال
شو مالنا ع البال…
إنتو في الشتا دفا
وفي الصيف نسمة هوا
تنعش النفس تحيي الآمال
إنتو الحب الي سكن
جوا الحشا و عرش دوالي ياسمين
زرع جوري… زرع منتور
زرع حبق
بلا إذن و لا سؤال
شو مالنا ع البال…
لك إنتو النغم
إنتو الوتر
إنتو العطر وقت السحر
إنتو روح الروح
إنتو الأوف والموال
شو مالنا ع البال.ياسراحمدبشاره أبوشعر
ليست هناك تعليقات:
إرسال تعليق