................
صفاء حسانين
..................
إنت عارف
إنت عارف إن الكفن ملوش جيوب
انت عارف الباقي ليك انك تكون محبوب
لما تطمع فى حق غيرك لما تكسر في يوم قلوب
لما تكره لما تحقد لما تشيل بالكوم ذنوب
ليه مفكرتش في بكره لما ذكراك بسرعة تدوب
ليه دا العمر لحظه والحياة بينا
يا دوب
ليه لغيرك تملى باصص وانت مليان بالعيوب
يعني هتاخد إيه معاك الحق نفسك يلا وتوب
قبل ما يجي اليوم تتندم وآه من دعوة المظلوم
اصل الآخرة فيها خلود أما الدنيا دى رحلة يوم
مضيعش سنينك يلي ناسي حساب علينا محتوم
انسي مفاتن الدنيا وإزرع والله هاتحصد رحيق مختوم
أعبد ربك صل رحمك و اعمل خير
تلقي وعد الله مكتوب
وخليك فاكر إن الكفن ملهوش جيوب
بقلم صفاء حسانين
ليست هناك تعليقات:
إرسال تعليق