.................
حميد النكادي
............
نْساني....
ما همك حال
ما هزك حال
يا قلب لحجر
مرتاح البال
عندك بحال بحال
ما همك حال
ماهزك حال
مرتاح البال
كيف كيف
ؤ بحال بحال
كيف قربي
كيف بعدي
كيف موتي
كيف حياتي
ماتسول فيا
ماتسال..
يا التَّلْث الخالي
واش انت مزال خالي
ولا وصلك صهد النهار
وقسوة برد الليالي
بحال ما وصلني
أنا النسيان
ؤ نكرني داك الغالي..
لاحْني ؤ رْماني
رَمْيًة الثوب البالي
بعد ما كان يحسبني
كالذهب الغالي
نكويك آقلبي بالنار
إلا أنت طيحتيني
فالبير بعد ما
جْرا وَ طْرا لي...
حميد النكادي 29\12\2019 فرنسا
ليست هناك تعليقات:
إرسال تعليق