................
محمدابوالحسن
............
صرخة ألم
محمدابوالحسن
،،،،،،،،،،،،،،،،،،،،،،،،،،،،
إصرُخ من كل عَزمك
وقول عاللى بيوجعك
ماتعملش حساب لحد
وماتخبيش مشاعرك
مين إللى حس بيك
ولا مين إللى رحمك
طول عمرك وإنت شايل
ولا حد قال عنّك
ولو وقعت مايِل
كله هيتخلّى عنك
جرب تقول لأ
وماتشيلش غصب عنك
مش هتصعب على حد
مهما زاد حملك
كلها مصمصِة شفايِف
حتى أقرب الناس منك
وإياك تشكى لحد
يبقى قلِّيت قيمتك
أصلا مش هتلاقى رد
غير معلهش إتحمل
كلمه مالهاش معنى
طول عمرك وانت
بتسمعها
ودايس على روحك
ومكمل
يخربيت معلهش
على بيت بس إتحمل
ولإمتى هتفضل شايل
وتسدد فواتير وجمايل
لاحد هيقولك شكرا
ولا أى حد فيك سائل
كِفاياك عُمر بتيجى
على نفسك
حرام عليك كده وارحم
سنّك
نفسك ليها حق عليك
وعشانها ربنا هيحاسبك
محمدابوالحسن
ليست هناك تعليقات:
إرسال تعليق