.................
عبد الفتاح عبدالرحمن والي
...................
أولادكم أمانه
خدوا بالكم من عيالكم
شوارعنا مابقاش فيها أمان
ولو شوفت غريب في
حيكم إضرب ولا يهمك
في المليان
لو بصيت عل المفقودين
حاجه تحزن ميت إعلان
وإعلان
ولما تدور علي الفرح
في بيوت أهاليهم يصعبوا
علي الغلبان
وتعرفهم بعد ما سكت
الحمام عن الطيران
وصار بيتهم من جنه
البراءه قبله للغربان
إوعي تقول حينا
أمان وشارعنا تمام
والكل يعرف بعض
وما فيش مكان للتوهان
إنسي يا صاحبي
الحرامي شاطر
أستاذ وفنان
إلي يلبس عبايه
وإلي شايل مرايه
وإلي حالق دقنه وشنبه
ومتكحل زي النسوان
حاسب يا صاحبي
حاسبي يا ستي
قبل ما نبقي في خبر كان
أولادكم أولادكم أمانه
خافوا عليهم من غدر الزمان
هات حاجتهم معاك
إعمل بيتك مكتبه
مطعم حلويات زي الي في الدكان
من غيرهم يا خال
ما لنا في الدنيا مكان
ووعوهم ما يمشوش مع
الغريب ولا يروحوا حته
من غير عنوان
ولما يلعبوا قدام البيت
عينك عليهم
اللعب مش هيخلص
ويلعبوا بحته أمان
وراعيهم وربيهم
دا حسن الخلق
شرط ايمان
خدوا بالكم من عيالكم
دنيا ما مبقاش فيها أمان
اللهم بلغت ونصحت ونفسي
اللهم فإشهد
كلمات عبد الفتاح عبدالرحمن والي
ليست هناك تعليقات:
إرسال تعليق