ديوان أكاليل الإلكتروني لسفراء القلم

 ................

فؤاد ابوطاحون

........

الاسكندريه

1-يا عروس البحر يا حلوه // كورنيشك طرحه وغنوه

2-حاضنك البحر من خوفه عليكى //ومحبته فيكى وحنينه إليكى

3-رسمك وبناك اسكندر مقدونى //وحماك قلعة قايتباى مملوكى

4-يا اسكندريه يا محميه بطابيتين//وقلعه وكل انيس بيكى

5-رملك حنه جاوى مداويه//وزينة كل عروس ومحب عاشق ليكى

6-والموج عالى ولما يقرب منك//يهدى بلمس حنان ايديكى

7-يا ماريا يا بهيه يا لابسه الثوب//دهب مرصع بياقوت ولولى حلى

8-تاجك مكتبة اسكندريه ومناره//هدايه لمحبين شطآنك يرسو عليكى

9-جفونك صاحيه ما تنام الليل//وعيونك بحور شوق وحنين

10-شعرى ابيض واشتعل الشيب//وانتى مازلتى شابه وعهدى بيكى

11-برسم على شطك احلامى//يمسحها الموج واعيد من تانى

12-ورموشك ظلايه لكل غريب وقريب//وشعرك ليل يتسامر فيه كل حبيب

13-:ياما غزاه مروا عليكى طمعا فيكى//واتقاتلوا فى ابوقير بين ايديكى

14-مينا لوافدين إليكى محبة فيكى//ومغادر ما هاين عليا وعايد إليكى

15-ايوه يا اسكندريه شبابك خفه وذوق//والجدعنه رمز ولادك واحنا فداكى

16-وقصور فى المنتزه وراس التين//وجناين بساتين متاع للزائرين

17-ولا المنشيه والنصب التذكارى//من غزانا لاقى الفدا حتى الموت ويعود تانى

18-ترسانه بحريه لصنع يخوت ومراكب//مهارة وابداع صناع بلادى

19-اجراس وأذان لكنائس ومساجد//اعلان بميعاد اداء فروض الطاعات

20-هواك يشفى العليل يرد الروح//غذاء الروح يداوى جروح

21-وما طبع الزمان عليكى إلا//حسن شباب وسحر عينيكى

22-بيكى متحف ومعرض احياء مائية//ويخوت وسفن ومراكب شراعيه

23-ما هو اصل انتى البحريه//ودوائى هواك شماليه غربيه

24-عزيزه عليا ونور عينيا يا اسكندريه//وكنت اتمنى اقضى حياتى فى ظل رموشك يا بهيه

كلمات فؤاد ابوطاحون موجه احياء بإدارتى فوه ومطوبس بالازهر الشريف