.................
عبد الكريم خلان
.................
كذابة
كذابة يا دنيا من كدوبك مليت
وهمتيني بشلا و شحال حتى شي ما لقيت
احلامي صارت اوهام
شاب راسي و ما حسيت
مشيت من وراك طريقك شوك شحال عانيت
تلفتيني بالغلاط ما تعلمت ما قريت
كذابة يا دنيا و بكذوبك لهيتيني و نسيت علاش انا جيت
منك مليت يا دنيا والله وراك لا بقيت جريت
كذوبك عياني في اهلي و ناسي نساني
وليت عايش كيف البراني
بهدا الشي ما رضيت
ليوم منك مليت و على هواك تخليت
لي فات نسيتو و امري في يد الله خليتو هو العالم بلي خبيت
املي نلقا فيك لي يرضي الله ويرضيني
فيك ما لقيتو
شفت منك غير الدغينة يكفيني ما قاسيت
بالطمع فرقت الخوت و بين الاحباب زرعت العداوة
بكدوبك هدمت شحال من بيت
ليوم من كدوبك عييت و مليت
كذابة يا دنيا والله وراك لا بقيت جريت
عبد الكريم خلان
ليست هناك تعليقات:
إرسال تعليق