.................
نبيل عبد الحليم
................
* إنتهينا *
إنتهينا وانتهت بينا الحكاية
قصة كانت فى الغرام أجمل رواية
لكل أنواع الوجع كانت دوايا
رسمتى دايرة ع الفؤاد
وحاديتى كل الزوايا
بين ضلوعك كنت ساكن فى البداية
النية وفاق وربك أعلم بالنوايا
إنتهينا وإنعدم بينا النصيب
رغم إنك ع القلوب أغلى حبيب
جرح الفراق عايز طبيب
والطبيب محتاج طبيب
لجل الجروح معاه تطيب
وإزاى تطيب ولسه للأشواق لهيب
شوق الفراق اللى صار هو النصيب
إنتهينا والعين ملياها الدموع
دموع نهاية مش حنين للرجوع
وإزاي حنين والوجع غمر الربوع
يوم فراقنا عيد ميلاد
نحتفل ونقيد الشموع
نجاني ربى من جناية قتل أو شروع
خلاص إنتهينا ياعتاب
كل اللى بينا كان سراب
رجعت حياتى م الغياب
حبل الوصال إنقطع وعزمة داب
طعم الخيانة فى الحلق ذاب
سهم جوا القلب صاب
رغم الصغر الشعر شاب
درس الوفاء نتعلمة من الكلاب
كلب البشر تم ليه ألف ناب
وعنده رد للسؤال ألف جواب
عشق الخيانة وعن الغدر عمره ماتاب
بقلم نبيل عبد الحليم
14/9/2020
ليست هناك تعليقات:
إرسال تعليق