....................
مصطفى دسوقي
.............
ليه مابترجعوش في قراركوا
ليه مابتتكلموش وتقولوا لا
دول شبابنا دول ولادنا
دول حماة أرض الوطن
دول حماة أرض العرب دول لا
ولا لازم كل عيد
تبكي عيون ام الشهيد
هو لازم كل عيد
تبكي عيون ام الشهيد
بدل دموعها يا خلق دم
وتبقى عايشه في
وسط نار وجراح وهم
ولا لازم كل عيد
تبكي عيون ام الشهيد
عايشين في بحر
بحر دم وفيه بنغرق كلنا
كل ليلة وكل يوم
دموع بتنزل من عيونا
علي شهيد مات ع الحدود
كان هو حامي لأرضنا
كان هو حامي لعرضنا
سكتوا ليه اتكلموا
وقولولها حاجه
قولوا كلام أي كلام
يريح قلب ام الشهيد
من الجراح ومن الألام
سكتوا ليه اتكلموا
وقولولها حاجه
حسسوها إن إبنها لسه مامتش
وإنه عايش وإنه بطل
وعرفوها لكل واحد فينا عُمر
وليه أجل وإشهدوا
إشهدوا بإنه واقف ع الحدود
يحمي مصر القاهره
وإشهدوا بإن اللي زيه لسه
قله نادره وإشهدوا بإنه البطل
وإدعوله ربه يرحمه
ويكتبله عفو ومغفرة
وإدعوا لأمه ربنا
تصبر وتبقي مؤمنه
وإدعوا لينا ربنا
ينصرنا ديماً على العدو
ويقوي ديماً عزمنا
(((.. مصطفى دسوقي..)))
ليست هناك تعليقات:
إرسال تعليق