...............
محمد دومو
...............
حتى لاين!
(زجل مغربي)
حتى لاين وحنا ديما ساكتين
حياتنا فسدات ولخدامي ما كاينين
كثر الإجرام والبوليس خدامين
والقمع ديما للناس المزيانين
مشكلتنا حاروا معاها لحزاب
وكلشي والى مقابل غير الخراب
والغش والكذوب وأنانية فالعباد
هادى قوي تلقاه فحياتو مهني
والفقير عايش ديما فالعذاب
فينا هي يا مغربي وطنيتك
نوض جري وبالرزانة تحرك
لا تسنى حد يسوي وضعيتك
حقك ضاع ومستغلين سكاتك
ما ينفعك فالحكان غير ضفرك
ولا تبقى ناعس ولاخر كيستغلك
كلنا مغاربة والوطن ديالنا كملين
قاوم بجهدك وبقى معنا مجموعين
بيا وبيك وبحتى لاخر متحدين
يدي فيديك وتوكلنا فالله غاديين
ولا تسنى كيف ديما غير الغفلة
وحتى تزيان عاد باش كتراما
الرجولة ماشي فالغش والهمزة
راه الرجولة مواقف ماشي حيالة
بلادنا تذمرات و كثرو الشفارة
والضعيف تالف وديما مسلم
ما لقى ما يدير وگالس يخمم
وحتى الشاب تلقاه ديما مخضر
قتلو فيه الطموح ومستقبلو تذمر
-بقلم: محمد دومو
-المغرب
ليست هناك تعليقات:
إرسال تعليق