.................
محمدعبدالوهاب العيوطي
.............
قصيدة ( الحُرية )
إحنا فى عصر
الدبلوماسية
فن تفاوض
وسياسة
خارجية
عصر القوة
خلاص إنفض
فرضو علينا
قوانين دولية
ياللى بتسألو
عن الحرية
الحرية مش أشعار
ولاحتى كلمات ثورية
الحرية
راية وعمرها
غالية شوية
الحرية من الوطنية
والوطنيه حوار
مشهود له
بالفروسية
الوطنية مش قوميه
يا فيس بوكِّية
الوطنيه تمنى
الخير حب وتضحية
إنتقاداتك لابد تكون
أخلاق شخصية
إنتماءاتك دايمه تكون
أهداف وطنية
إعتقاداتك
أركان دينك
قوانين شَرعية
صلح نفسك
وابدأ عندك
قبل ما تيجى
علينا شوية
إعرف قدرك
وارحم نفسك
الحرية حياتنا
الجاية
الحرية مش شِعارات
ولارفع الصوت بالهِتافات
الحرية من الوطنية
ليها قيود مش هَمجية
للحرية معانى كتير
الحرية إيمان بالله
عندالله تبقى العبودية
جوه البيت تقاليد عائلية
وانا فى الريف أعراف قَروية
وسط الناس واجبات حقيقية
حرر نفسك بالأخلاق
قِيمك جزء من الأرزاق
الحرية فى نفسك
عيشها ومتنساش
الحرية أخلاق وطنية
والوطنية حب وتضحية .
كلماتى
محمدعبدالوهاب العيوطي
ليست هناك تعليقات:
إرسال تعليق