ديوان أكاليل الإلكتروني لسفراء القلم

................

 محمد كامل يحي عبدالبر

...............

القلب شاب والشَعر لسه

شباب..

والعقل غاب يوم..

مافارق كل الاحباب ..

والايام عدت اوام

والاحلام بقت اوهام

وبرج التمني بقى حطام

والروح دبلت والامل باش

مين يشتري مِني ببيع ببلاش،،

ماخلاص يآدنيا هاعوذ منك ايه

مانتي الحلو خدتيه والسلام

وسلام..

ياذكرياتي مستنية ايه،،

مش باقي صاحب او قريب

ولا حتى غريب

إلا وخَرَّبتيه ..

القلب شاب وحتى الشِعر شاب

ماهو قلمي راحت عليه ..

مع ان الشَعر لسه شباب

ولقتهاقَفِلت روحت فتحت شُباك

اتهوى منه خنقني التراب ..

هجرتك يابَر وسيبتلك الغبار

ورميت يابحر فيك الشِباك..

يمكن الامل في شَبكي يُشبُك

موجك علي وصحبتك لقتها

انتحار..

القلب شاب وحتى الوقت شاب

والحزن بس الي لسه شباب

وعَزِلت من مدة في الألم

وسكنت فيه

والهم بقى جاري الوفي

لو في يوم غاب أستغرب واسأل

عليه

وليه تبكي ياندم بكاك لاهَيبني..

الي اتهدم ولا هايدويه .

بقلم: محمد كامل يحي عبدالبر