ديوان أكاليل الإلكتروني لسفراء القلم

................

: محفوظ البراموني :

............

دامت ل مين ..

خليكوا عارفين ..
النهاردة عايشين ..

بكرة ميتين ..
كلنا رايحين ..

لو ناسيين ..
يا بني آدمين ..

إفتكروا كان ف مين و مين ..
و النهاردة هما فين و فين ..

أوعوا تفتكروا إنكم عليها خالدين ..
يبقا عقلكم و كلكم مجانين ..

محطة ورا محطة و كلنا نازلين ..
مفيش تأجيل و لا مش عارفين ..

كل ثانية كل دقيقة ف متوفيين ..
كل ثانية كل دقيقة ف مولودين ..

ناس ب تبكي ..
و ناس ب تضحك كلهم مساكين ..

العين دى مليانة دموع ..
نزلة من شلال حزين ..

ساعة ب دمعة فرحانة ..
ساعة ب دمعة حنين ..

دامت ل مين ..
فين الملوك و السلاطين ..

إحنا تراب و هنبقى تراب ..
الكل فيه متساوين ..

غني و فقير مدير و غفير ..
الكل هيحضن الطين ..

بس يا ترى يا بشر ..
ف منكم متعظين ..

يا رب يا رب العالمين ..
إجعلنا من ..
الفائزين مش الخاسرين ..
ف رحمتك طمعانين ..

لما نروح و نغادر ..
و نكون من الميتين ..
ل جنتك منتظرين ..

هذيان قلم :
: محفوظ البراموني :