ديوان أكاليل الإلكتروني لسفراء القلم

............

ابو حمص

..............

انتى ليه سياقه فى دلالك
زاد مع الكل وصالك
دا الحياء هو جمالك
ارحمى اللى فى بيته صانك
واحذرى يوم التناد

حاطه ليه احمر شفايف
عمره ما زاد ف الوصايف
يبقى الجمال دا كله زايف
اتقى رب العباد

راسمه ليه كحل العيون
وحاطه أخضر فوق الجفون
فنانه وفوقتى الفنون
طاب عامله ايه مع الزبون
اعلمى ان الثرى هو الوساد

لابسه ايه جسدك تعرى
الجمال لو ف التعرى
تبقى يومها القدره اولى
اعلمى ان دا فساد

مشغوله ليه كدا بخيالك
شعرك مش سر جمالك
راح فين ياستى خمارك
اتريثى وفوقى من ضلالك
واسلكى طريق الرشاد

حاطه ايه على الاظافر
طولوا ليه ذى الحوافر
لما تبقى بنت اوفر
ارجعى والرب غافر
وقاومى نفسك بالجهاد

لابسه ياختى قميص النوم
وأستاذه غطس وعوم
ماتدرى امتى شهر الصوم
ولا ايه فرق بصل من ثوم
احذري ربك بالمرصاد

واقفه ليه على سطح دارك
نازله معاكسه ف ابن جارك
فاكره انه عاجبه حالك
دا نظرته نظره مهالك
ادخلى وقيمى ليلك
وادعى ربك بالغفران

تمت معاصيكى بحور
شدك على العاصى الغرور
اتملى كتابك شرور
عاصيه وماليكى السرور
وهيمانه بكل الفجور
احذرى يوم الميعاد

قاعده على الفيس بالساعات
كل يوم عامله حكايات
تتواصل فى كل الجهات
فينك انتى م الصلوات
اعلمى انه فيه سراط
واملى قلبك بالزهاد

اعرفى طريق الصواب
واقراءى مره الكتاب
تكسبى حسنات وثواب
ينفعوا يوم الحساب
وزودى مع الرب الوداد

مع تحياتى نبيل
ابو حمص فى 18 /11/2019