ديوان أكاليل الإلكتروني لسفراء القلم

.................

الزروقي جواد

............

؛********الفتان بحال الشيطان ¶¶¶¶¶¶¶¶

عفاك خلي كلامك عندك
سد فمك وشوف بعينك
شوف شنو واقع
و سبق الميم ورتاح
وگول انا مشفت معارف والو
كلها يشوف حالو مالو
راه السحاب والغمام
تجي من وراهم الشتاء
والهضرة فالناس وخلق الفتنة
تجيب غير المخصمة و الدبزة
شي مضروب من راسو
شي عندو فرجليه هرسة
براكة من تخلاط وشعيل الفتيلة
سميتك وفعالك عرفوها ناس القبيلة
ديها فحالتك راك وليتي جرتيلة
شوهتي راسك وحتى العائلة
شوف وگول ماشفت والو
كلها يدخل سوق جواه
ويشوف حالو شنو مالو
خالي كلامك عندك وعيش حياتك
وربي ولادك وصلي صلاتك واو قتك
لتنفعك عند الله عند الممات
براكة من خلق الافلام والمسلسلات
شي فالحبس شي في المستعجلات
براكة من الفتنة حبس حداك هنا
وطلب الله يعفو عليك من خلق الفتنة

بقلم: الزروقي جواد
المغرب