ديوان أكاليل الإلكتروني لسفراء القلم

...............

عمرو تمساح ابوسفيان

..................

بتنسينى
********
ودى مشكلتى وياكى
بتنسينى وانا معاكى
بتحكى تقولى مش موجود
تعبتى القلب ف هواكى
انا المطحون ف حواريكى
وانا المسجون فدى عنيكى
انا كل اللى حاميكى
انا ابنك انا ليكى
انا الشمس اللى بتنور
انا النيل اللى متمرر
انا الارض اللى جايبى الخير
انا الايد اللى بتعمر
فحسى باللى بيحبك
وسيبك م اللى خان ودك
تعالى من جديد نحكى
تاريخ مفهوشى غير دربك
يا سمره والقليب طاهر
بنتعب بس هنعافر
ونرسملك طريق مفتوح
بيهتف مش ناوى اسافر
وهفضل فيكى يا بلدى
وهبنى البيت على يدى
واكتب غنوه لعيونك
تحارب الظلم وتعدى
تنور ف السما انوار
وتكمل تتبنى لينا اسوار
واعيش وياكى يا بلدى
وبيكى هكمل المشوار
ومش هنهار ولا احتار
ولو ف القلب الف عيار
وصوت الدم سابق النار
هجيكى واغير الافكار
هجيكى واغير الافكار
**********
عمرو تمساح ابوسفيان