ديوان أكاليل الإلكتروني لسفراء القلم

..............

ع الرحمان انميلي

.............

اضحك للدنيا تضحك ليك

.............................

بدا المسكين دغيا يشخرْ

خر خرخر خر خرخرْ

تػول موطور وانفجرْ

مراتو المسكينه ماقدرات تنعسْ

دارت الْخدِّيَّاتْ على وَدْنيها

لكن بقى على حالو حتى لفجرْ

دوزت ليل ونعاس مكرفصْ

ناضت مقلقه الصبر ضاع ليها

اعطيني براتي خليني نغبرْ

نعاسي معاك حلاوتو حرػتيها

نػول كار في الأوتوروت وخسرْ

خر خر ماحشمتي مابغيتي تحبسْ

حرب اليمن هادي عيشتيني فيها

واعدها يبقى فايق هي تنعسْ

في وسط الليل لقاتو خدام يفرفرْ

فر فرفر فر فرفرْ

ما بقى عاقل ما دارى عليها

هزت طبسيل وبدات تطرطرْ

طر طرطر طر طرطرْ

فاق مذعورْ يْشوفْ فيها

انت تنعس وانا المسكينه نسهرْ

والله النَّعسه لا حْلمْتي بيها

قَلْبوها ضَحكْ والتمشخير كثرْ

مشاكلهم حلُّوها بالعقل والصبرْ

أدويه كثيره اعتمدو عليها

حرام حياتهم جميله يخلوها تْهرَّسْ

يسلمو الأمر فرحتهم يسمحو فيها

بسهوله يضيع ما بناوه طول لعمرْ

قصتنا سالاتْ نتمنى منك ترويها

لكل صديق أو صديقه عندهم حسْ

الصبر لعقل والحوار كلمات السرْ

المشاكل بالعزيمه لازمْ نقضيو عليها

ع الرحمان انميلي