.................
المحجوب بوسبولة
................
/////////+++وصل سلامي+++/////////
اولاد فرج ياحب الذاكر
ياارض الشرفة وكل حاضر
ياارض العز والفايدة
ياارض الخير بالعشق رايدة
ياجامعة بمحبة لقلوب
ياسر لذواق فيها المحبوب
جالبة بالشوق كل من جاها
وطبيبة تشفي من بغاها
حاضنة بالدفء كل الفقرة
تزيان فيها لالة الحضرة
ديك ام الناس باحساسها
اولاد فرج نشرب كاسها
نروى ونذوق لحلاوة
كل مافيها جميل ونقاوة
وصل رسالتي ماتطويها
فيها سلامي ماتخفيها
راضي لالة بكل اسرارك
ونذكرك تسبقني نوارك
هذا حالك وبابك مفتوح
وانا ليه ياك نمشي ونروح
زاوية كاملة ياك معروفة
زينة سمية ياك مالوفة
هذا حالها سرار مخفية
من جاها يكسب بالنية
بالفايدة اعبيرها ويفوح
تستانس بيها ديك الروح
بقلم صقر الحروف الزجال المحجوب بوسبولة
ليست هناك تعليقات:
إرسال تعليق