.................
ايمن شتا
.................
وبسأل نفسي حبيتك؟
وبسأل نفسي ليه هي!
وليه اخترت انا قلبك
وسبت بنات بتتمني
بتتمنى رضا عنيا...
....
وليه شدتني تفاصيلك
ولية بأهتم انا بيكي
واحبك لما تبتسمي
واشوف صورتي فعنيكي
...
وليه تخطفني نظراتك
وليه بأهتم بحاجاتك
ولية بسأل كتير عنك
وبسأل نفسي حبيتك؟؟؟
...
وبتوتر في مواعيدك
وبنزل بدري في الشارع
وكل ما اقول ياواد اجمد
الاقي نفسي مش قادر
...
بقيت بسمع انا انغام
واغني معاها احلى كلام
وبستني عيني تغمض
عشان الاقيكي في الاحلام
...
وبسأل نفسي لية هي!!!
ولية اخترت انا قلبك
وسبت بنات بتتمني
بتتمنى رضا عنيا..
وبسأل نفسي حبيتك؟؟
وليه بسأل كتير عنك...
....
ايمن شتا
ليست هناك تعليقات:
إرسال تعليق