..............
عبدالله رجب ابوعدنان
.............
سندي..
عبدالله رجب ابوعدنان
يا عيني ع الإخوة لما تختلف
الكلمه منه تستلف
اوعى تكدب على روحك وتحلف
من قد ايه ما بتسلم
سندك ولو جار عليك
اخوك وروحه فيك
ما تداريش دموع عنيك
ابكي يا قلبي واندم
ماتت الرحمه م البشر
قلوب قاسية زي الحجر
كل حاجه طعمها ممرر
حتى النهار مضلم
سندي و دنيتي ونصيبي
اخويا و صاحبي و حبيبي
إنت الوحيد اللي داريبي
تحس بوجعي لما أتألم
أمي حزينة لوجعنا
ليه كترت مواجعنا
بالحب كانت بترضعنا
بتحاول تمسح دموعنا
من الصدمة ما قادرة تتكلم
ببكي وانا مجروح
بسكين متلم مدبوح
فضفض يا اخويا و بوح
الدنيا ياما بتعلم
نفسهم يشوفونا مكسورين
تموت الفرحة وتعيش حزين
على لمتنا يا اخويا مستكترين
ولا يشوفو حتى القدم
ليه تحلف حلفانات
دمك ف دمي ما مات
ترجع بألف سلامات
وحبنا للناس يعلم
هدني زماني وانت بعيد
ف بيت واحد ووحيد
ما نشوف بعض غير ف العيد
وحشني صورتك وإنت متبسم
بصرخ صرختي من جوايا
لو مزعل اخوك مش دي النهاية
قوم وصالح وسامح
وأبدا من جديد اجمل حكايه
الأخ كنز ازاي تفرط فيه
من غير اخوك تسوا ايه
إنت مكسور بعديه
ها تقع حتى لو كنت هرم
سندي..
عبدالله رجب ابوعدنان
ليست هناك تعليقات:
إرسال تعليق