.................
اسامه الطيب
................
قصيده
فاضلك مين
فاضلك مين ي قلبي مفاتش فيك سكين ومين اللي ملوش بصمه علي الخدين ومين اللي منمتش يوم بسببه حزين
جاوبني وقلي يا قلبي فاضلك مين
شاورلي ع اللي صان عيشك وصان ملحك ووقت الجد كان كتفه قصاد كتفك
ومين اللي ملس بأيدو علي جرحك
ومين اللي مخدش منابه من طرحك
داير تدي حبابي عنيك لناس بتخون
تصون انت وعلي غيرك تملي تهون وبتضحي بكل م فيك حالف ل تصون
حاطط اصلك نصب عينيك وعامله قانون
واخد حظك من الدنيا في جدعنتك
مطمع فيك خلايق طامعه في طيبتك
طمعت انت في كل الجدعنه وحدك
وملقتشي ولا مخلوق يصون عهدك
نصيبنا يكون فرحنا ف فرح اصحابنا
نفرحهم ولوحتي علي حسابنا
دي نعمه من الله من علينا ووهبنا نعيش نزرع جناين ورد في احبابنا
جميل انت يا جلب ابيض من الياسمين
تاخد بالطوب تبادلهم جوافه وتين
تاخد قسوه تردلهم وفا وحنين
يارب احفظ لي قلبي من الاسي والشين
وديمو عليا يغوي يحب ف الملايين
امانه عليكو ل تقولو يارب امين
اشعار
اسامه الطيب
ليست هناك تعليقات:
إرسال تعليق