....................
ابراهيم النشيلى
...................
عاشق الوطن المجروح
أنا لآ عاشق ولآمجروح
أنا إنسان عايش بالروح
ساعات روحى تاخدنى تطير
تطير تعلآ لفوق ولفوق
ألآقيني واخدني حنين
حنين عشق لحب وشوق
شوق لوطن
القلب عليه ملهوف
بيحلم أمتى يعود
وأن كان يومه الموعود
أنام أرتاح أكون ملفوف
بتراب وحجر عليه منقوش
مصرى هنا مدفون
وعد وكان عليه مكتوب
بيحلم بيوم الرجوع
وجوآيا شىء م الخوف
ألآقى مكانى مش موجود
ياروح مابعدك روح
أسيب روحى أرجع تانى
لغربتى حزين مكسور
وأعيش باقى عمرى
حاعيش عاشق لوطنى
عاشق الوطن المجروح
كلماتى
الشاعر المهاجر
ابراهيم النشيلى
ليست هناك تعليقات:
إرسال تعليق