................
يحيى نفادي سيد
...............
بالعامية الدارجة
(((( الدنيا ما تقف على بايع ))))
أمي قالتلي كفاية يا بنتي بكى ونوح
وروحي أغسلي وشك وعنيكي
عمري اللي فات ما ترجعه الأيام
واللا فاتك ها يرد الفرح ليكِ
بكرة تخده دوامة النسيان ويدبل
على خدك ورد الأسى ويسيبك
الزمن دوار والقدر غدار ودمع الليالي
ياما لسه ها وريكِ
الحب قسمه والمكتوب نصيب واللي
شاري يبيع عمره ويفديك
اطوي الذكريات ولو كانت حلوه
حلاوة بكرة تبقي حواليكِ
الدنيا يا بنتي وعد واللي يلاقي وعده
فيك يشيل هواه وديعة بين أيدكِ
هي يا بنتي وشوش وطبايع الأصيل
فيها يفرش النور لخطاويكِ
والصبر لو طال مداه ها يفضل نصيبك
ينده عليكِ
الحب مش بالعافية ولا لوي دراع
الحب كلمة يرسم الأمل ويسقيك
&&&&& يحيى نفادي سيد
39/7/2021
ليست هناك تعليقات:
إرسال تعليق