................
الادريسي محمد
...................
السلام عليكم احبابي فالله تحياتي للجميع .... ريح لهنى......
لو كان تسعفني يا راسي
وتخليني نشم
ريــح لهـــنى.........
نطلع من بير اهواسي
يتبخر الوهم
تبـــان المعـــنى..........
بغيت نشم
على قد قياسي
نبرى من الهم
ما يبقى يوجعنا...........
ما لقيت الفرح
لي بيه نواسي....
حر الغربة
والوحدة الساكنة....
الضلوع . والعظم الراشي
ما صاب جهد
لهاذ المحْنَة.....
غير الغم
الزايد فتهراسي....
والعود المكسر
ما تّجَبْرو كلمة اتْسَنَّى
.
الطير المغرد
لي ساكن أنفاسي
نسى الدم
و كل ما دوزنا
غاب و هجر
الشجر و لعراصي
جزانا بالخصام
وجازيناه بالمَحَنَّة
ماهمو الى كنت نقاسي
.ولا همو لغرام
لي كان بيه يتعنى
ولا داك الساس الراشي
يتگعدة من الركام
ولا يطيح يتهنى
كيف ما همو صوت الغاشي
لي فكلامو زطم
لحن وزاد غنى
يطرب المسامع فكل عواشي
شحال من لسان
ما فيه عظم
وشحال من حرف
بلا معنى........
غير ساعفني يا راسي
هني راسك
من التخمام
راه الهم فيض كاسي
ولي سعدو رخام
ما يتكسر
ولا تهرسو رنة........
29 06 2021
الادريسي محمد
ليست هناك تعليقات:
إرسال تعليق