.................
ياسر مهدي عمرو
..................
دمعة أآه
فوق في سمايا نجوم صاحيين
طول الليل بحكي لهم حالي
ليلة في حب وليلة أنين
و هما يردوا بشوق موالي
أعمل أيه النوم إتحاش
ضحكتي حتى أهي طالعه معاش
فاضل دمعي مونس ليلي
وحزني واخدني كما الاشاش
قلت أبص لفوق وأحكي لهم
يمكن ليا يردوا جميلهم
يمحوا الحزن ويمنعوا هم
وأقدر أشوف الفرح ... ولاش
ليله تجر وراها ليالي
وانا باحكي لهم كل أحوالي
ليله في حب وليه أنين
وليله يردوا بشوق ....موالي
وانا ع الحال دا بقىالي سنين
ليا نجوم في السما واضحين
كل يومين باحكي لهم حالي
وهما يردوا بدمع العين
حتى نجومي صعبت عليها ...
وأنا سهران بأحكي ف لياليها ...
فين الفرحه وايه يحليها؟؟
وليه الدمع يعيش لسنين ......
أي إللي جرا لي .. ما كنت بحالي
ياما ضحكت علي اللي أتى لي
عمري ما شلت في قلبي دموع
عمري ما قلت الاه موالي
ليه يا سنين العمر تروحي
ليه زودتي في روحي جروحي
ليه خليتي الدمع في بوحي
أيه كان حالك بس لحالي
ياسر مهدي عمرو
ليست هناك تعليقات:
إرسال تعليق