..............
إبراهيم الحداد
................
يامداوى جرح القلوب بتدارى عجزك ليه
أنا هرضى بالمكتوب وجرحى أنا هخبيه
ياقلبى حمل الجراح بقى زادك وترحالك
ده الصبر موالك وجراحك دواها عليه.
يامداوى جرح القلوب ياعم وفر دواك
تايه مابين الدروب جرحى نهايته هلاك
كل الجراح ليها دوا وأنا اللى دواه غالى
هصبر على حالى ياجرحى صعب أذاك
يامداوى جرح القلوب هتعمل أيه للجرح
أنا جرحى م المحبوب وحرم عليا الفرح
صبر السنين ياعليل جرحك وصاب قلبك
عجبى على صبرك جرحك هسده بملح.
يامداوى جرح القلوب نفد خلاص صبرى
هوه هوايا معيوب ولا الجراح قدرى
كل الجراح هينه ألا جراح الحبايب
زينة الشباب شايب والفرح ذاد هجرى
يامداوى جرح القلوب قولى أيه التشخيص
الجرح علاجه حبوب ولا صاب الأحاسيس
يا دمعى خف عليا جرحك ومين صابك
أرض جراحى البور فتحوا عليها هويس
يامداوى جرح القلوب أنا هبقى م الدراويش
يمكن ألاقى هروب وأقدر بجرحى أعيش
نازف ياجرح الأحبه والمر ده من حالك
توب الحرير بالك وأنا لبسى توب الخيش
كلماتى إبراهيم الحداد
ليست هناك تعليقات:
إرسال تعليق