..................
علي المحمداوي
...............
أجلبنك
اجلبنك يليلي اثنعش تجليبه
ونشدنك يليلي اشجابت الذيبه
وينه الجان شامخ وصاحب المعروف
صفينه أتباع وسفه وضاعت الهيبه
أجلبنك يليلي اثنعش تجليبه
كبل آيا كبل شيرده لينه اردود
يعدل المايله وحكنه لبيتنه ايجيبه
حسافه اعله الوطن جلجل عليه الليل
شاخ وطاح وجن غزاه الشيب
ذاك الجان شامخ بعزته وطيبه
أجلبنك يليلي اثنعش تجليبه
وطنه الجان للشجاعه والكرم عنوان
تكصده الناس كلهه وتشرب حليبه
ذاك عراك عزنا ببابل وآشور
أور وسومر وتشهد السيبه
أجلبنك يليلي اثنعش تجليبه
حسافه اعله الوطن من شيخه الزرزور
وكع صكر السما وتفلش الناعور
ينادي اعله العرب والعرب مثله اتفور
بربيع الجذب والحلم الاخضر زور
طاح عقال أبوي ونهانت الشيبه
أجلبنك يليلي اثنعش تجليبه
علي المحمداوي
ليست هناك تعليقات:
إرسال تعليق