................
..............
المايريدني مااريده
والماحسبلي حساب لاانقصه ولا ازيده
الي ينكر محبة الصادق كفر
وناقص المداله ايد وگطع ايده
اليقابل اهتمامك ابرود
لاتصور الك نبضه بوريده
المايريدني مااذل نفسي واتانيه
مااذرفلي دمعه ولا اشعرله تنهيده
من تحبلك شخص اوفيله
ولاتفكر باليفيدك والافيده
العشره موكلها مصالح بيها يغزر ملحنه وبيها من ينطبخ لحمك هم يمد ايده
تسهر وتشتاك وتعاتب بالاوصال
وهو بغير عالم عايش بافكاره العنيده
المايريدني مااعيش الأجله بألم
ولايسوى بحرف اكتبله قصيده
ولا اغنيه ولا ابچيه
هذا يستاهل مسح من عقلي ابيده
خلي افكر باليحبني وال الي بگلبه مكان
والي يفرح بوجودي وتصبح عيونه سعيده
وخلي اكله يروحلك فدوه النساني
وااني احبك وانت الشخص الاريده،،
المايريدني امم لا كلش مااريده
،،،
بقلم :اسعد زامل الشرهاني
ليست هناك تعليقات:
إرسال تعليق