..................
عصام حسيني مدين
..................
من نور عيونك بلتقي نور الدروب
من خوف ظنونك بشتهي تنسي العيوب
وتحاولي في كل الظروف
تستقبلي حبي بشغف
والزلة بعد الزلة مني تغفري قلبي ارتجف
خوفه القسا يطوي القلوب
أنا عاشقك الملهوف وصاين عهدنا
شايل قصايدي ع الكتاف من بعدنا
لجل ما ترسى في هدمتك
الحب ترياق القلوب
فمتخافيش من سكتك
الحب مش ممكن ياروحي يموتك
يمكن ساعات البعد حبة يسكتك
لكن لقانا زي المية في وسط الغيطان المجدبة
رعرع قلوبنا المتعبة
سيل واندفع مش سرسبة
وأنا قولت كل الأسئلة وجاوبت كل الأجوبة
حبك حياتي ونور يشقشق في الغروب
..........
بقلمي عصام حسيني مدين
ليست هناك تعليقات:
إرسال تعليق