.................
عبدالرحمن ذكي .
..................
فين الحولي ؟
** ** ** **
دخل لسوق لكباش
بفلوس ما كافياش
عاقل على ايام بكري
ب لقليل اللي ف الجيب
يمكن لك تشري
والتيسير ما يبطاش .
و رجع مصدوم
مهموم و مغموم
بوجه امغبر
وقلب امكدر
اعيى بالتشماش
ودخل للدار دايخ تالف
احزين و زاعف
الدراري يتسناو
لمرا قالت : " فين الحولي ؟"
اجوابو انطق بيه لسان حالو
ادوات احتجت سكتت
بلعتها صدمة كبيرة قداش .
الدراري سقصاوه :
بابا فين الحولي ؟
أقسى و أصعب سؤال!!!
"غادي يجي يا وليداتي
خارج نشريه ف الحال "
و خرج هايم على وجهو
بدمعو فايض عل لرماش
وكلمت فين الحولي ! ! !
أثرها ف سمعو مازال
بطعنة توجع الخاطر
اتدمر الوعي و الإحساس
فين الحولي ؟!!
و انطق لجواب بصمت
ناطق بيه لسان الحال :
" الخرفان موجودة يا وليداتي
ولكن ؛
باش ...باش....باش ؟؟؟ "
* * * * * * *
بقلم : عبدالرحمن ذكي .
ليست هناك تعليقات:
إرسال تعليق