.........................
محمد السوارتي اﻹدريسي
.....................
زجل:
الدنيا طويلة
إحدها لعمر.
والحياة قصيرة
بحفرة لقبر.
تعيا يا بنادم
ما تخوي وتعمر..
من الشوارج الفارغة
وتتحزم وتشمر.
بالأحلام التافهة
فغياب الشمس الساطعة..
بين النفوس الخادعة
الزمان صعاب بأهلو
كلا همو راسو وشغلو
كلا ساد بابو بقفلو
كلا يعمر ويجر الدلو
والضعيف المسكين
تألف بين الحار والحلو
ضيعو حقوقو وشغلو
خلاوه حاير ف عقلو
شوفو زمنا كيف صار
ما بقا الجار يراعي جارو
ما بقى حد على الحق يغار
الباطل فينا كثرة نصارو
لا راحة فاليل ولا نهار
كلا يشكي بهمو وضرارو
شي يجري مكدم بلا حصار
كيقلب فين يدق مسمارو
حب النفس أعما لو لبصار
وخبث الطمع تلف قرارو
مشا لحيا واتفقد لوقار
كلشي صبح يشير بكمامو
فين زمان الناس لخيار
اللي رفعو للحق أعلامو
بالتقة والسماحة ولبشار
وحلاوة اللسان فكلامو
فين ايامهم الزينة يا حضار
كل واحد منهم عارف مقامو
عاشو بلا بغض بلا غيار
متعاونين على الزمان ويامو
نطلبو من ربنا لكريم الغفار
يشفينا من كل مرض واسقامو
ويلطف بينا بما جرات به لقدار
وينجنا من لمكر والشر أوخدامو
بقلم.
محمد السوارتي اﻹدريسي
21/6/2021
ليست هناك تعليقات:
إرسال تعليق