................
شادي الموجي
................
أوقات باحس إن القلم
هو اللي بكتب مش أنا
مهو كان في إيد شاعر علم
دوقنا معاه طعم الهنا
الموجي كانت كلمته
مالية القلوب بمحبته
وحلمت أكمل رحلته
خدني القلم علي سكته
غوصنا سوا ف بحر الالام شافنا الكلام
حس بوجعنا ع اللي كان بيطاوعه ويهاوده
قال القلم للكلام شادي محتاج للعلام
وانا وإنت دورنا نفضل جنبه ونساعده
خاف الكلام يطاوعني في الاول
بس القلم أثر عليه وهداه
وقاله دا إبن الغالي إزاي عليه تبخل
سيبه يلاقيك في خياله وأنا وياه
ولأن ابويا كان له عند الكلام خاطر
طاوعني رغم ان عارف إنه بيخاطر
وواحدة واحدة لقيتني ع الكلام قادر
بفضل هذا القلم ووفاؤه للشاعر
شادي الموجي
ليست هناك تعليقات:
إرسال تعليق