...................
ياسر بسيوني
...............
. ميزان العدل ...
،،،،،
كبر جيوب الكفن
واحسب هتاخد كام
دا القلب صابه العفن
وضميره مات بسلام
ومهما يطول الزمن
وشاغلته الأوهام
أو كان سليم البدن
وخالي من الأسقام
ساعة الأجل محسوبة
ماشية بدون عقارب
ناس غالبة وناس مغلوبة
طلع النهار في أمان
مجاش عليها مغارب
دي كل نهاية مكتوبة
وكل شيء بحساب
مخدة حرير أو طوبة
في قصر أو سرداب
ميزان الدنيا لو مال
ميزان العدل غلاب
وعمره ما يدوم حال
أصله الزمن قلاب
والعبرة بالأفعال
لا تلوم ولا تعاتب
دى كلها تجارب
ومهما قليل الاصل قال
مايفيدش فيه العتاب
....
ياسر بسيوني
٢٠٢١/٢/٢٨
ليست هناك تعليقات:
إرسال تعليق