................
خالد فاروق
..............
سمك
- لبن
- تمر هندى
"
" على الله "
▪︎مين كان قال إن أنا تعبان!!!
▪︎أو زعلان إن أنا متهان!!!
▪︎هيه حايله زباله ف باله
▪︎بينبش فيها طفل جعان
▪︎ أو مشرحة من بعد جراحة
▪︎لدكتور فاشل لو عيان
▪︎أدخل مرة أتعالج وأخرج
▪︎ألقى الكليه ف خبر كان
▪︎راح نتقابل سوا فى الغرزة
▪︎بعد الجامعة - جيل توهان
▪︎ معهد دودة القطن أو طب
▪︎وكله محصل بعضه يا مان
▪︎ من سنة أولى وأنا بتعلم
▪︎إن الفقر مش حرمان
▪︎إن الدودة مبقتش ودوده
▪︎ وطلعلها أنياب وسنان
▪︎وعشان كده أنا دايما صابر
▪︎بنفخ غلى ف الدخان
▪︎دايما بشكر ربى عليها
▪︎أعظم نعمة - النسيان
▪︎وأما أفتكر إن أنا إنسان
▪︎مش معصوم أنا م العصيان
▪︎أجرى واتوب من ذنب ويأس
▪︎بيسرى فدمى ف الوجدان
▪︎أنا تعبان؟!!!!.......آه تعبان
▪︎بس أنا برضه مش زعلان
▪︎ أنا راح أرمى كل حمولى
▪︎ويا همومى ع المنان
▪︎أصل العزة ويا القوة
▪︎كلها آلت للرحمن
▪︎طول ما دراعى لفوق مرفوعله
▪︎مش راح يجي يوم وأتهان
《 أنا إنسان 》
عجبى...
(خالد فاروق)
ليست هناك تعليقات:
إرسال تعليق