...............
خليفه الابنودي
أدهم السمهودي
....................
قصيده بعنوان (اسمع مني )
اسمع مني يا قاري اشعاري
قاري حروفي ويا كلامي
اسمع وافهم يابن خالي
قلبي عمره ما كان خالي
من الجراح واللي جرالي
مش كل اللي فيا مكتوب
ولا كل المكتوب فيّ
ولا كل الفرح محروم
ولا الجراح كلها ليّ
ياما كتبنا جروح
ما نعرف عنها ولا شي
وياما خبينا ظروف
ورمناها ع الحي
اللي يعيش ياما يشوف
دفاتر الحياه طويناها طي
فمش كل الوجع مكتوب
ولا كل المكتوب اوجاع
كتبنا الخفي في القلوب
ورجّعنا سنين الضياع
سحبنا الدمع من العيون
وبدلنا الفرح اوجاع
مسحنا الدمع من الخدود
وبالفرح بدلنا النواح
سكنا الحب في القلوب
وطيّرنا الحزن في الرياح
مش كل الحب دبدوب
ولا كل الحزن جراح
إياك في عشقه تدوب
بعد م جرحك وراح
اسمعني بقى يا حبوب
مفيش مجروح مات بجراح
كفنت حبه بأيدي
من بعده عشت مرتاح
بعد ما كان دم في وريدي
طلع بدمي مصاص سفاح
سميته علي ايه حبيبي
وهو سم أرواح
كان مشكلتي وعيبي
سلمت قلبي لسفاح
شاعر العاميه
نبض الصعيد الجواني
خليفه الابنودي
أدهم السمهودي
ليست هناك تعليقات:
إرسال تعليق