..................
أدهم السمهودي
....................
قصيده بعنوان (لكِ الله يا زرابي)
ليه كل م افتخر بيكي
الاقي العيب كله فيكي
رغم الشباب اللي جواكي
ما عقل ولا علم نافع فيكي
انا بتكلم عن بلادي
بيقولوا عليها زرابي
بلد ماليها كبير
وجتت مليانه ع الفاضي
من يومها بلد فقريه
ما فيها ازهر ولا جمعيه
ولا مستوصف ولا اعدادي
العنصريه فيها شيطان
وسط العائلات والجيران
عيشين فيها من زمان
من زمن ابوي واجدادي
يا ناس احنا واحد
بلد واحده ودين واحد
كلنا والله عيله واحده
اسمها يا ناس زرابي
اهم حاجه الصالح العام
نخلي بلدنا في الإمام
ان كان هنا مستوصف
فهناك مدرسه اعدادي
اللي يقدر على حاجه يعملها
المهم زرابي تشد حيلها
منعقدش الأمور البسيطه
بدل منعمرها نخربها
من زمان علاجنا في بني حميل
وتعليمنا يا ناس في برخيل
تبرعك لوجه الله
ولا عامله علينا جميل
لو كان جميل مش عايزينه
نمرض نجهل ولا نطاطيله
راسنا هتفضل لفوق مرفوعه
ومريضنا يموت على حصيره
ايه يعني الوحده قبلي
ولا تكون في الركن الغربي
مش كلها يا ناس زرابي
ولا مقسومه شرقي وغربي
يا ناس حكموا بقى العقول
متخلوش القلوب تفور
المهم مريضنا نعالجوه
ويكون في بلدنا دكتور
فرقتونا سمهودي وعواري
ايش عربي وايش هواري
ايش غني وايش فقير
من عقولكم السكر جاني
بلدنا ناقصها والله كتير
عمارها عايز يا ناس سنين
الكل بيقول يالا نفسي
حرام عليكم فين الضمير
يالا بينا يا زرابيه
نعمل بقى جمعيه خيريه
نكمل الحاجه اللي نقصانا
ونبني بنيه تحتيه
نشيد مدارس لعيالنا
ونبي عيادات لعيّانّا
ايش سجّل وايش بريد
لأجل يفتخروا بينا احفادنا
اعتصموا بقى بحبل الله
وتوكلوا ع الإله
حطوا أيديكم في ايدين بعض
هنلاقي الحلم حققناه
شاعر العاميه
نبض الصعيد الجواني
خليفه الابنودي
أدهم السمهودي
ليست هناك تعليقات:
إرسال تعليق