...............
أسامة الحكيم – مصر
...................
وصية أم ( عامية )
كنت قاعد ع الطبليه
و امي بترص الأكل
و تحطه شويه بشويه
و كنا ولدين و بنيه
مدت أمي إدها على كتفي
و قالت : يا بني يا عنيه
خلي ف قلبك لاختك
شوية حنيه
يا بني كن سندها
و دايما إيدك بإدها
دي مهما كانت وليه
دي منه م الرحمن
و محتاجه عطف وحنان
إوعى تِأسى عليها و عليّه
انت عارف الزمن دوار
ممكن مكملش المشوار
و تفضى عليكو بعدي الدار
يا أمي احنا تربية إيدك
ومش ممكن أبدا
أسيبها و اسيبك
دي حته منك يا غاليه
و مكانتها ف قلبي عاليه
بقلم // أسامة الحكيم – مصر
ليست هناك تعليقات:
إرسال تعليق