ديوان أكاليل الإلكتروني لسفراء القلم

 ..................

الادريسي محمد

.............

السلام عليكم ...أصدقائي الكرام

قصيدة.......جناح الريح......

شّحَالْ حّلَمـْتْ نَرْكـَـبْ

نَرْكَبْ جّنَـاحْ الَرِّيـــــــحْ

نَتْحَــيَّرْ وُ نَجـْــــــــدَبْ

مَا نّحِيرْ فْ تَّى مَنْطِــيــحْ

نّطِـيرْ نّعَـلِّي فِي سَرْبْ

سّلَاحِي لّسَانُو تَسْبِيــحْ

نَنْسَجْ مَنْ خّيُوطْ الَشَّمْسْ

شَلاَّ حّرُوفْ وُ أَوْهــَـــامْ

بّسُرْعَة وُخَفَّتْ الَلَّمْسْ

نَنْسَجْ عَشْ الَاَحــْـــــــلَامْ

يّكُونْ مَنْ عِينْ الَشّــــمْسْ

مَا شَافَتْ بّحَالُو آعْيَــــانْ

عَشْ بّخِـيـطْ صّحِــيحْ

خّيُوطُو دَايْزْهَا لَكــْــــلاَمْ

كّلَامْ مّشَكّلْ فَصـِــيحْ

جَايِ يّتْعَكّزْ بّ حـْــــــــلَامْ

سَاكْنَة رَاسْ الَمَنْطِــيحْ

الَمَنْطِيحْ مَا يَعْرَفْ سـْــلاَمْ

لاَزْمُو تَغْيـِّيرْ وُ تَصْحِيحْ

يّدَمَّمْ وَ يّخَمَمْ تخْـــــــــــمَامْ

خَايَفْ يَزْلَقْ وُ يّطِــــيحْ

فّ أَوْرَاقْ

مَا خّطَتْـهَاشْ اقْـــــــــــلاَمْ

الَگَــافْلَة تَجْرِي فْ الَرِّيـحْ

وُالرِّيحْ تّسَابَقْ لَكـْــــــــلاَبْ

كّلاَبْ مَا تَعْرَفْ غِ الَنّبِيحْ

الَنّبِيحْ غّوَاتْ وُ تّعْــــــيَابْ

الَتّعْيَابْ كُلُ تَجْرِيـــــحْ

وُالَحْسَابْ عَنْدْ مُولُ الَحْسَابِ

عَالَـــمْ مَا فِيهَ مــْــــلِيحْ

وُالَمَلِيحْ تْبَاعْ بّ الَثَّمـــَــــااانْ

خَلاَوْ فيه غِي لَقْبِيــــــحْ

عَايَشْ فِينَا مَنْ زّمــَــــــاااانْ

مَهْمَا طَالْ الَزَّمَانْ يّشِيــــخْ

كُلْ مَنْ هُو ابْــنْ آدَااااااااااامْ

كِ وْرَاقْ الَخَرِيفْ يّطيِــــــحْ

تّتْسَاقَطْ فّ كُلْ مّـــــكـَــــانْ

تّسَافَرْ عَلىَ جْنَاحْ الّرّيـــــــحْ

لِّي حَلَمَتُ فّيُومْ مَنْ لَيـَّــامْ

11 02 2021

الادريسي محمد