................
صلاح الجنايني
..............
عزة نفسك
عزة نفسك ده الاحساس
من غيرهم ما هتسواش
ناس ضمايرهم باعو ببلاش
ناس ضمايرهم في الانعاش
إلى ضميره يبيع بفلوس
قطع فيه قطع بالموس
لو بيموت ميخدش لبوس
ده بالقطر عليه هتدوس
اوعي الحقد بقلب تحوش
جي الدنيا عليها تكوش
تسمع كلمة حق تبربش
ليه عالحق تملي تغلوش
ايد اسيادك بس تبوس
بكرة الحلم تشوفه كابوس
باقي العمر تعيش متعوس
أو بالسجن تكون محبوس
إلى بينصح ما تقدرش
حتى الجو ما بتعطرش
لجل المال بتدور مرش
فاكر انك ملك العرش
حتى السر تقول بتطرطش
تاكل تشرب بس تكرش
ليه بشافيفك بس تمصمص
خاف ربنا احسن تتجرص
عزة نفسك ده الاحساس
ناس ضمايرهم باعو ببلاش
عزة نفسك
الشاعر صلاح الجنايني
ليست هناك تعليقات:
إرسال تعليق