................
وائل محمد علي محمد
...............
فرفشه
****
قايم م النوم همدان ومكسل
قلت اضربلي كرس معسل
مع كوباية شاي راح افوق
بس الحلوه مراتي بتغسل
****
دخلت المطبخ يضرب يقلب
حلل وأطباق وحاله مكركب
يادوب بناديلها علشان تتصرف
قلبت بوزها وفضلت تندب
****
صرخت فيا انا اتخضيت
خفت يكون عليها عفريت
يمسح بيا بلاط الشقه
من سحنتها بسرعه جريت
****
مراتي ولما بتيجي الحاله
بتعاملني معامله زباله
تجري ورايا بيد مقشه
تنفض ولا اجدع شغاله
****
انا مش ناقص فرجة ناس
اصلها هربت منها خلاص
لو استنيت يهب جنانها
لحظه وهتعبيني في اكياس
ؤعجبي
****
رباعيات/ وائل محمد علي محمد
ليست هناك تعليقات:
إرسال تعليق