...............
بوسبولة المحجوب
...............
//////+++ياحرفي +++//////
عرفني بك وقبل ودي
اجليسي يالغالي عندي
ياحرفي ياللي على قدي
ياسر لباسي ومحصول وردي
وكلامك حكمة وعين صواب
وحديثك نعمة لكل لحباب
سحرك نغمة تطرب لصحاب
حثى حاجة عندك ماتعاب
ياحرفي ورفيق لساني
امونسني بكل لمعاني
ياك كل ماحضر الالهام هاني
لا تفوه بكلمة وتنساني
يالهادي لناس سر وجودك
يابسمة جميلة على خدودك
يامعيشني سرار ورودك
وانت للي ف عرش خلودك
ياللي مخلي النسمة تبدع
ياخالق حاجة فينا تصنع
من قراك يحني راسو يركع
داليتك ومنها شحال نقطف
ومخليني فيها نتصرف
شايفها م الموحال تخرف
بين عناقدها نتلطف
جنتك ماتجف وانت المنبع
تحكم القمرة والشمس تسطع
لفصول فيها غير تمتع
وانا ف حضرتك طايع نبدع
ونسني وشحال لك نحتاج
يازين السربة لتفراج
وانت معايا حديث وتفجاج
كاثم السر مايعرف تخراج
ومساير معايا عمري
ياك وردة فايحة من بكري
من ازمان وانا صغير دري
وانت الحرف لمكن في صدري
//////+++بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق