ديوان أكاليل الإلكتروني لسفراء القلم

.............

صبري رسلان

.............

دموع الحب ( 200 )

...................

هطوعك وهبعد

قلبي عنك من سكات ..

حتى العيون لو تلمحك

تحلف ما فات ..

هرضيك وهكتب جوا مني

قلب مات ..

ووعد مني لا هفتكر

أمسي معاك ..

بس تسيبني في حلم

عاشق من سكات

لو من بعيد ألمح أشوف

ذكراك ساعات ..

غمض عيونك إن لقيتني

طيفي فات ...

وإن حد عني يسألك

قوله ده مات ...

وإن كنت تقدر عالبعاد

ما أقدر عليه ..

ده انا قلبي عايش نبضه منك

روحي فيه ..

فجأه عيونه من الدموع

صحت حاجات ..

والكحله رسمت على الخدود

خطين وداد ..

لا طاوعني قلبي أودعه

ولا أشوف دموعه ..

ولقيت في حضني برجعه

وأخلف وعوده ..

بان شوقنا أقوى مننا

فارض وجوده ..

وكسانا إحساس ضمنا

بعطور وروده ..

وفضلنا حضنين حبنا

كاتبين خلوده ...

لحظات وطرناها سوا

جناحين هيام ..

وأحاسيسنا قالت كل حاجه

بدون كلام ..

ووداع يا حزن ما فيش أمل

ولا كان وكان ...

ولا لك يا دمعه جوا منا

وجود كمان ..

ده غرامنا أقوى مننا

ونسيم أمان ..

بقلم .. صبري رسلان