...............
سعيد عرفه
...........
الحساب✍
بقلم/ سعيد عرفه
حالنا باهت ليه يغم
فاكر الضحكة اللى كانت
فوق شفايف كل أم
لما كان الحضن دافئ
يجمع الوِلَد فى دقايق أو يضم
لما كان الفجر صافى
يجى دايماً فى معاده
لما كان الورد صاحى
ينتظر حد يشوفه أو يشم
النهاردة الحضن رافض
يجمع الكل فى دراعه أو يلم
حتى مدت إيدى مانع
خايف من اللمسه
اللى كانت منى حلم
والربيع فى الفجر شاحب
لونه غامق كله هم
كل همسه وكلمه حلوة
من بعيد تلاقيها ذم
ذم فى الدنيا اللى سابت
الضعيف فى كل ظلم
عمر اللى ظلمه ماحس بيه
أو فى يوم أظهر ندم
ضاقت الدنيا علينا
بفعلنا السوء يعم
الحساب للكون بحاله
من اللى ركعوا للصنم
وإلى رافع إيده راية
وقام وصلى وغنم
قم وإركع وأنتظر
لرب أمره فى كون حسم
ربك كريم بحكمته
يعفوا ويرحم من رحم .
ليست هناك تعليقات:
إرسال تعليق