................
رمضان عبدالله أحمد
.............
رمضان
رمضان بيجي يفرًحنا
والكون بيبقى جميل
وجوه القلوب افراحنا
وبنسهر طول الليل
فيك القرايب تتواصل
وبتكون مع بعضها
في الطاعة راح نناضل
وقلوبنا تخلص لربها
ياشهر فيك الحب عظيم
فيك الطاعة لمولى رحيم
فيك التقارب فيك الألفة
اجر مضاعف ورب كريم
وياما بتهلً شهور
غير هلالك يارمضان
بقدومك بكون مبهور
شهر الرحمة والغفران
رمضان ياشهر الكرم
فيك القلوب شفافة
انت في السنه علم
رايه للناس متشافة
لمًا يطلً علينا هلالك
بنفرح كلنا بجمالك
ولفرحتنا مش بنام
والزينة كمان علقنالك
ايامك غير الايام
لياليك غير اي ليالي
وساعاتك بتمر قوام
وسحورك والله بيحلالي
ياشهر فيه تصفى قلوب
وتتجمع فيه الحبايب
يتراضي فيك المغلوب
ويصبح من القرايب
خسارة يارمضان السنادي
جايلنا وعنا مش راضي
فعلا الناس اتغيرت
ودا اصلا شئ مش عادي
فيك بيحلا الابتهال
وبيعلا ذكر الرحمان
من الفجر للأصال
والله بعودة يارمضان
-------------
بقلمي/ رمضان عبدالله أحمد
ليست هناك تعليقات:
إرسال تعليق