................
عمرو تمساح ابوسفيان
..............
اللحظه المحظوره
************
وكلاب الدنيا المسعوره
واقفه ف طابور
واقفين بيدارو ف الصوره
وانت مسحور
ملامحهم واضحه ومحفوره
وسط الجمهور
لافين على راسك تنوره
داير ما يدور
خد بالك حفرين البوره
حاجبين النور
وسلاحهم طلقه ف ماسوره
بتعدى السور
بيقولوا عنك كمبوره
قاعد طرطور
رسمين الخطه ف صبوره
دايره بمتور
والارض بايدك منصوره
مش طرحها بور
يابلدنا ياهاديه يامعموره
وكلينها نسور
والشاشه بتكدب وغروره
استني الدور
لو راكب جوه شمندوره
عايمه ف بحور
مستني اللحظه المحظوره
مدارى ف خور
بتقول القاعده منظوره
طب متي نثور
والكلمه ف قلبك محشوره
والخوف مندور
وعيلنا بقيت فرفوره
تتشاف بنادور
والعيشه يدبها مستوره
يلا ابعد غور
ف زمنا الهمه مغدوره
عايزالها نطور
بتنادى هي ومخموره
محتاجه بابور
وديابة الجبل المنعوره
واقفه ف مرور
بيقولوا حبيبنا شطوره
عايش
ك التور
************
عمرو تمساح ابوسفيان
ليست هناك تعليقات:
إرسال تعليق