....................
مصطفى فريد
..............
فيرس كرونا المحترم
من ديوان /قلم مجنون
للشاعر / مصطفى فريد
زعلانين ليه من كرونا
وهو فيرس محترم
ربانا لكن من جديد
من غير لا ورقه ولا قلم
علمنا نفصل بعضنا
عن بعضنا
لا عاد بنات ماليه الشوارع
ماشيه بمياعة مسمعة
خاليه الزمم
ولا عاد ولاد ع الارصفة
غاويه خلاعة وبرطعة
من غير قيم
فيرس وآخر مجدعة
قفل القهاوى والغرز والخمارات
شمع بارات
إختفت كل العاهات
جوه الحانات
ماعاد لهز الرقاصات
ريحة بريق
كله انصدم
فيرس جرئ
شكله برئ
لكنه جاى انذار شديد
من عند رب العالمين
بيقول لكم
فين الجيوش المرعبه
والبلطجة. والعربده
فين اسلحتكم. طياراتكم
دباباتكم. ملياراتكم
والنفير.
افتكرتم بس دلوقتى المجير
كان فين غبائكم.
لما خطفتوا اللقمه
من بق الفقير
فيرس ضئيييييل.
قعدكوا بين اربع حيطان
زى الفراخ اللى فى عششها
مستنيه ضوء نهار
يكتب مصير
فيرس عنيد.
وبرغم حجمة له سنان
منع التلامس والسلام
أحضان وبوس. حتى الكلام
تحت الكمامة بيحتضر
مع صوت صغير او كبير
والملحدين. والمشركين
سجدوا لله الكريم
صلوا صلاة المسلمين
وقت الخطر
مين فينا كان يقدر يعيد
للكون تعاليم الإله
ويحض على فضل الوضوء
غير الكرونا.اللى انتوا منه
مخضوضين.
ليست هناك تعليقات:
إرسال تعليق