..............
السيد علي القن
..............
قصيدة
((( جرس انذار )))
كلام ياما
هنا وهناك
جرس انذار
ناقوس بيدق
فوق راسنا
من الاخطار
ده له حافر
وده يعافر
ونعمل ايه
ده مية مليون
بقوا بيفتو
ومية مليون
بقوا بيشكو
ومين فين
اللي يتحمل
كلام الناس
من الاوهام
الي الاحلام
وناس ف الطب
بتحارب وبتصارع
ولا بتنام
وناس شايله
هموم الناس
وناس تانيه
كما الخفافيش
بتنهش فينا
ف الضلمه
تتاجر فينا
ف الازمه
ومش فارق
معها مين
يصاب بكروونا
وناس ثالثة
تبكينا بدمع العين
دي ناس مساكين
وكل همها لقمه
تقوت بيها
صغار جعانين
قابلت اتنين
مااقولكش
واحد سواق
بيجري شمال
ويجري يمين
يقول مش لاقي
أجيب رغيفين
واه ربي رزقني
اليوم فجبت
العيش والتموين
وسيجارتين
شقي يومين
واديني بلف
بالتوك توك
عشان ولدين
و صياد فقير
غلبان نازل
يصطاد بطراحه
ودمعه فاض
ع الخدين
ويعمل ايه
ياناس حسوا
باهاليكم
وشاركو معاهم
اللقمه لحد
الازمه ماتعدي
جرس انذار
بيضرب جوه
مساجدكم
وكنايسكم
وجوه الدار
كفايه فرار
من الواقع
كفاية مرار
حرام ننسي
أن في واحد
عزيز قهار
ده كل يوم
وليه أخر
وكل ليل
طالع له نهار
تعالو نحب
بعضينا
ونوصل
حتي اهالينا
ونتصالح مع
الاخيار
تعالو نبني
من تان
سوي ف الدار
تعالو نغير الاقدار
ونرسم لوحه لبلدنا
ونزرع ارضنا غله
ونسكن فيها ف الجنه
بدون اشرار
تعالو نشد ع اللمه
تعالو نوحد الامه
تعالوا نعيش
بقي احرار
ده بس قرار
ما فيهش خيار
كلمات الشاعر/السيد علي القن
ليست هناك تعليقات:
إرسال تعليق